कविता – Marathiworld

चारोळ्या – कविता

कविता काळीज भरभरून सारखं लिहावसं वाटतं इवलासा शब्द बनुन कविता जगावसं वाटतं – राजन पोळ	अस्तित्व तुझं माझ्याजवळ असणचं सुंदर आहे नाहीतर! तुझ्याशिवाय सुख दूर दूर आहे. – राजन पोळ
प्रेम साधं-सुधं असलं तरी प्रेम केलं तुझ्यावर चुकलं असेल कधी राग नको माझ्यावर – राजन पोळ	तू खिडकीतून पाह्यलं रातराणी फुलली होती नुसत्या वासानेच तिच्या तुझी आठवण झाली होती – राजन पोळ
आयुष्य आयुष्याचं ह्या मला मोठं हसायला येतं टिचभर पोटासाठी काय काय करायला लागतं – राजन पोळ	मुकप्रेम आता मलाही जमतं तुझ्या सारखं गप्प राहणं काहीही न बोलता नुसत्या डोळयांनीच प्रेम करणं – राजन पोळ
प्रेमाचा कस ठाऊक असता कानमंत्र काही, तरीही तुला वश केलं नसतं ‘कस’ ठरवायचाय ना प्रेमाचा? मग असलं ‘यश’ कामी येत नसतं – राही साईराम	सत्य स्वप्नांवर विचार करता करता सत्य दूर दूर चालले आहे, जाग आल्यावर स्वप्नं संपलेली, आणि सत्य तरी कुठे ‘सत्य’ राहीले आहे? – राही साईराम
शब्द शब्दांनी कुणीतरी माझी चौकशी केली होती मला शब्द नव्हे त्यामागची भावना हवी होती – राजेश कुलकर्णी	तुझंच माझ्या मनात डोकावून बघ तिथं फक्त तुझंच नाव दिसेल, थोडं आठवणी जाऊन बघ, तिथंही तुझ्याच नावाचं एक गाव दिसेल. – राजेश कुलकर्णी
देण जिवनात मागण्यापेक्षा काहीतरी देण्यात महत्व असतं कारण मागितलेला स्वार्थ अन् दिलेलं प्रेम असतं…. – राजेश कुलकर्णी	चारोळी इथॆ प्रत्येक मनात एक चारोळी आहे कुणाची प्रेमळ हाक तर कुणाची आर्त आरोळी आहे….. – राजेश कुलकर्णी
एकदा प्रेम वगैरे कवितेतून एकदा थोडिशी भावूक होऊन पहा माझ्या प्रेमाच्या पावसात भिजुन पहा चिंब भिजल्याशिवाय पावसाची मजा कळणार नाही अन् रोम- राम भिजल्यावर सुध्दा आडोश्याला उभं रहावसं वाटणार नाही – राजेश कुलकर्णी	सुखात सुखात सारेच सोबती काही दुःखातही हवे असतात एकटचं बसुन रडतांना डोळे पुसणारेही हवे असतात – राजेश कुलकर्णी
पियुष अधरावरती अधर धरावे, पियुष त्यातील चुबूंन घ्यावे, बेधुंद होऊनी त्या धुंदीत, हळुच शिरावे तुझ्या कुशीत – उदय गोखले	बघता बघता बघता माझं सारं विश्वच तुझ्यात सामावलंय आता कळतंय मला की, माझं अस्तित्त्वंच मी गमावलंय – मीनल जोगळेकर
मागणे आजच्या दिवशी मला तुझ्याकडे एक मागणे मागायचे माझ्या नावानंतर मला तुझे नाव लिहायचे – विभावरी खवळ	उगम आयुष्याच्या मध्यावरती तुझा उगम झाला आता पुर्वार्ध आठवत नाही, आणि उत्तरार्ध माहित नाही. – संतोष माळणकर
हस्ताचा पाऊस या जगात काही गोष्टींची बातच काही खास असते म्हणूनच की काय… एवढे जलाशय असूनही चातकाला हस्ताच्या पावसाची आस असते – संदीप बेडेकर	प्रेम प्रेम कधी मागून मिळत नाही ते आतून जाणवावं लागतं नजरेतून कळलं तरी, शब्दांतून सांगावं लागतं… – मंजुश्री लाड
शब्द शब्दांतच सारं काही शोधू नकोस नि:शब्द भावनाही समजून घे कान बंद करून कधी तू माझ्या अश्रुचे म्हणणे ऐकून घे – अमीत गुगळे	दिवाळी आली आली दिवाळी लावू दारास तोरणे, दिवाळीच्या दिव्याने करू मन मोकळे – वंदना मुसळे
प्रवासात आयुष्याच्या प्रवासात सगळयांनाच असते घाई पण कोणाचा प्रवास संपता संपत नाही तर…. कुणाचा सुरूच होत नाही – राहुल सुदामे