स्वप्न – Marathiworld

चारोळ्या – स्वप्न

स्वप्न स्वप्नात तू येशिल असे स्वप्नात नव्हते वाटले ज्या स्वप्नी तू आलिस ते स्वप्न मी स्वप्नात पाहिले. – तुषार खेर	अश्रू नेत्रातून निसटून, गालावरुन गळून, हृदयांच्या जखमांवर प्रेमाने हात फिरवून सांत्वन आमचे केले आभार तुमचे अश्रूराजे. – तुषार खेर
रात्रं दिवस दिवसा नंतर रात्र रात्री नंतर दिवस ह्याचे स्मरण सर्वांस असावे रात्रंदिवस. – तुषार खेर	प्रीत जरी तू दूर आहेस माझ्यापासून परि तुझी प्रीत हृदयाजवळ भासते जरी प्रीत लपविलीस माझ्यापासून तुझी उणीव मला क्षणोक्षणी त्रासते. – तृप्ती पाटील
आठवणी प्रेमाच्या नगरी जाऊया आपण प्रेमाचे गीत गात-गात प्रत्येक आठवणींना साठवूया आपण आपल्या एकमेव हृदयात – तृप्ती पाटील	नशिब आपल्या नशिबात जर एकत्र यायचं असेल तर, कसेही करुन एकत्र येऊ आपण जर नशिबालाच हे मंजूर नसेल तर, हृदयात जपून ठेऊया प्रत्येक आठवण – तृप्ती पाटील
चाहूल डोळे तुझे पाहताच, मला चाहूल लागते तुझ्या मनाची अश्रू वाहूनी सांगतात मला तुझ्या मनात लपलेल्या प्रेमाची – तृप्ती पाटील	साथ तुझ्या प्रेमाची साथ मला आयुष्यभर पाहिजे तुझ्या प्रितीची सावली मला जीवनभर पाहिजे कितीही दु:ख मिळाले तरी चालेल मला पण कधीच राहू शकणार नाही मी सोडून तुला – तृप्ती पाटील
आयुष्य तुझ्या प्रेमाला मिळवून अर्धे आयुष्य मी जगले पढचे अर्धे आयुष्य मिळे ना मिळे अर्ध्या आयुष्यात पूर्ण आयुष्य मी जगले – तृप्ती पाटील	स्वप्न आजकाल स्वप्ने पहायला मन धडधडते कारण स्वप्ने खूप छळतात या मनाला स्वप्ने पहायला खूप सोपी वाटतात पण तितकीच अवघड असतात ती पूर्ण व्हायला – तृप्ती पाटील
वक्ते आकाशात ढग जमतात तेव्हा कोकिळा मौन पाळतात कारण, तिथं कोकिळा नाही बेडूक वक्ते असतात – दीपक शिंगण	पुतळे चौकाचौकात आज पुतळे उगवतायत वाढलेल्या गवतातून बिचारे डोकावतायत – दीपक शिंगण
आरसा मला नेहमी वाटतं आरसा व्हावं तू माझ्यात पाहताना तूला न्याहाळावं – दीपक शिंगण	विसरतो तुझ्याबरोबरचा तो दिवस मला आजही आठवतो तुला विसरायचं ठरवलंय पण, तेच विसरतो दीपक शिंगण – दीपक शिंगण
प्रयाग जाण्याआधीचे काही क्षण डोळे येतात भरून जीवन जगताना प्रत्येक क्षण जगावा समरसून – दीपक शिंगण	माणसं देवळात जाताना माणसं बरोबर फुलं नेतात येताना जुन्या ठेऊन नव्या चपला आणतात – दीपक शिंगण
चिठ्ठी परवा तू दिलेली चिठ्ठी मोठया आशेने वाचली खरं सांगू, मला ती जिन्नसांची यादीच वाटली – दीपक शिंगण	दात आजी म्हणाली मलाही चणे दे आणि हो कपाटातले दातंही दे – दीपक शिंगण
आठवलं परवा एकदम आठवलं मला बाजारातून परतल्यावर खरेदीसाठी मी तुलाही नेलं होतं माझ्याबरोबर – दीपक शिंगण	गंध आता प्रत्येक श्वासाला येतो तुझ्या आठवणीचा सुगंध । मनाच्या अंगणात सदा बहरतो तुझ्या प्रेमाचा निशिगंध ॥ – दीपक शिंगण
जीवन मला अजूनही समजत नाही जीवन म्हणजे ‘तडजोड’ आहे । पाण्याबाहेर तडफडणा-या माशाची श्वास घ्यायची ‘धडपड’ आहे ॥ – दीपक शिंगण	चित्र कित्येक दिवस ठरवित होते तुझं ‘चित्र’ काढायचं । चित्रासमोर उभं राहून आपलंच ‘प्रतिबिंब’ न्याहाळायचं ॥ – दीपक शिंगण
प्रेम प्रेम म्हणजे गुलाब नव्हे, गुलाबांचं जणू ‘रान’च असतं । सुवास धुंद करीत असतो, काटयाचं मात्र ‘भान’ नसतं ॥ – दीपक शिंगण