मनोरंजनात सहभाग
ज्या शनि-मंगळ युतीमुळे केंद्र सरकारवर गंडांतर आले होते. तिची तीव्रता कमी झाली आहे. त्यामुळे प्रकृतीत निश्चितपणे सुधारणा होईल. तरीसुध्दा संतापावर नियंत्रण ठेवणे आवश्यक आहेच. सुदैवाने सणाच्या निमित्ताने मित्रतंडळीचे घरात येणे जाणे वाढेल. काही मनोरंजनाच्या कार्यक्रमातही सहभागी व्हाल. महिलांना पाणीटंचाईचा जास्ती त्रास होईल. कार्यालयात वरिष्ठांना खुष करण्यासाठी जास्त परिश्रम पडतील. स्वतंत्र धंद्यात बरीचशी वसुली खोळंबून राहील. तरूणांच्या ओळखी क्लब, चित्रपटगृहे याठिकाणी घनिष्ट होतील.
अनुकूल दिनांक -७,१२,२२,२८
प्रतिकूल - ११,२१

नव्या जबाबदा-या
पहिल्या आठवडयात खर्च शिंगेला पोचतील. आलेला पैसा जातो कुठे, असा प्रश्न सतत भेडसावत राहील कार, चैन, मौजमजा, यात्रिंक दुरूस्त्या यावर भरपूर खर्च होईल. कार्यालयात सत्तेवर आलेली नियंत्रणे दि. १० नंतर कमी होतील. काही स्वतंत्रपणे पार पाडता येतील. अशा जबाबदा-या स्वीकारून यशस्वी करून दाखवाल. महिलांनी काटकसरीसाठी काय उपाय योजता येतील याचा सतत विचार करावा. तरूणांना परदेशगमनाची संधी येण्याची शक्यता आहे.
अनुकूल दिनांक - ६,१३,२०,२९
प्रतिकूल - ४,२२

स्नेहसंबंधात वाढ
लोकांशी असलेले संबंध राखण्यात बराच वेळ खर्च होईल. जनसंपर्क कमालीच्या बाहेर वाढल्याने काही वेळा कार्यालयातले नेहमीचे कामकाज थंडावेल. त्यामुळे वरिष्ठांचे प्रतिकूल होणार नाही याची काळजी घ्या. तरूणांनी मोबाईलवर संभाषणात गर्क राहणे, मित्र कार्यालयात आल्यावर कँटीनमध्ये वेळ घालवणे असे प्रकार टाळावेत. स्वतंत्र धंद्यात मालाची मागणी वाढेल. महिलांना कलांमध्ये प्रतिष्ठांप्राप्तीचे योग आहेत. तरूणांचा दूरदर्शन वाहिन्यात शिरकाव होईल.
अनुकूल दिनांक :- ७,१४,२२,२६ प्रतिकूल :- ६,२५

गोड वळण!
आपल्याला नेमके काय हवे आहे व कुठे पोचायचे आहे याच्या कल्पना स्पष्ट झाल्याने बरेचसे निर्णय सोपे होतील. प्रशिक्षणासाठी निवड होण्याची शक्यता आहे. भावंडांमध्ये निर्माण झालेल्या तणावात मध्यस्ती करण्याची जबाबदारी अंगावर पडेल. स्थावर इस्टेटीच्या प्रश्नातही लक्ष घालावे लागेल. महिलांना लांबच्या ठिकाणी मुक्कामासाठी निमंत्रणे येतील. तरूणांना दागदागिने, होजिअरी, प्रसाधने ही क्षेत्रे फायदेशीर. त्यांची विक्री करतांनाच झालेल्या ओळखींना गोड वळण मिळेल.
अनुकूल दिनांक :-७,१३,२०,२७
प्रतिकूल :- ११,२९

भावजीवन बहरेल!
दि. १० ला मंगळाचे राश्यंतर होत असल्याने वैवाहिक जीवनातील तणाव कमी होतील. जोडीदाराचे आपल्यावरील प्रेम यत्किंचितही कमी झालेले नाही याची खात्री पटेल. तरूणांचे भावजीवन बहरून टाकणा-या ब-याच घटनांची मालिका सुरू होईल. भागीदारीतील व्यवसायासही सकारात्मक वळण मिळेल. महिलांना भावंडांच्या कृतघ्नपणाचा प्रत्यय येईल. तरूण इतरांशी संवाद साधण्यात कौशल्य दाखवतील. यंत्रतंत्र कारखानदारी क्षेत्रात मात्र प्रगती मंद राहील.
अनुकूल दिनांक - ३,१२,१७,२६
प्रतिकूल - ६,१५