भरीव कामगिरी
पराक्रमातील रवि- बुधाचा लाभातील गुरूशी होणारा त्रिकोण तुम्हाला भलत्याच उंचीवर नेऊन ठेवील असे दिसते. हातुन काहीतरी भरीव कामगिरी घडेल. लोकांमध्ये त्याचे कौतुक होईल. प्रतिठित भर पडेल. तरूणांना हॉस्पिटॅलिटी, केटरींग, ऑटोमोबाईल्स या क्षेत्रात प्रवेश मिळेल व चांगल्यापैकी पैसाही हाती येईल. महिलांना संगीत, गायन व नृत्य या क्षेत्रात नैपुण्य दाखवता येईल. तरूणांना नात्यातल्या ओळखीतून देखण्या व्यक्तींची स्थळे येतील.
अनुकूल :- २,६,१६,२६
प्रतिकूल :- ४,१४

प्रयत्नांवर भिस्त
गुरूची प्रतिकूलता संपूर्ण महिनाभर आहे. त्यामुळे नशिबाची साथ कमी मिळेल. स्वत:च्या प्रयत्नांवरच जास्त भिस्त ठेवावी लागेल. तरूणांच्या उच्च शिक्षणाच्या सर्वच अपेक्षा पूर्ण होऊ शकणार नाहीत. गुणही अपेक्षेपेक्षा कमी मिळतील. त्यामुळे जे विषय कठिण वाटतात त्यासाठी गाईड, शिकवण्या यांची मदत घ्यावी. घरात वडिलधार्‍या माणसांच्या प्रकृतीत महिलांनी जास्त काळजी घ्यावी. आलेल्या स्थळांच्या बाबतीत शिक्षणाची कमतरता जाणवेल.
अनुकूल :- ५,१५,१८,२३
प्रतिकूल :- ११,२०

जागेबाबत मतभेद
दशमातील स्वगृहीच्या राशीस्वामीमुळे कार्यालयात उच्च दर्जाची कार्यक्षमता राखणे सोपे जाईल. वरिष्ठांकडूनही कौतुक होईल. हाताखालचे कर्मचारी मात्र तुमच्या चागुलपणाचा जास्त फायदा घेणार नाहीत यादृष्टीने सावध रहा. राहती जागा किंवा नवीन घर खरेदी याबाबत पति-पत्नींची मते न जुळण्याचा संभव आहे. तरूणांना उंची तयार कपडे, म्युझिक सिस्टिम्स्, होम थिएटर इ. क्षेत्रात संधी जास्त येतील. गावाकडची स्थळे पसंत पडण्यात अडचणी येतील.
अनुकूल :- ४,१५,१९,२६
प्रतिकूल :- १६,२५

स्पर्धा परीक्षात यश
उत्कर्षाच्या अनेक संधी येणार आहेत. आपल्या क्षेत्रातील कौशल्य व व्यासंग अद्ययावत ठेवला तरच त्यांचा फायदा उठवता येईल. शासकीय सेवा आयोगाच्या परीक्षेत चांगले यश मिळू शकेल. एकूणच स्पर्धा परीक्षांच्या तयारीवर भर द्यावा. कार्यालयात उत्तरार्धात काही प्रश्न उपस्थित होतील. तुमच्या नव्या कार्यपध्दतीच्या सूचनांना जुन्या मंडळींकडून विरोध होऊ शकेल. मुलांची प्रगती वरच्या दर्जाची राहील. तरूण शारीरिक आकर्षणाच्या जास्त आहारी जातील.
अनुकूल :- २,७,१७,२८
प्रतिकूल :- १८,२७

समविचाराचा जोडीदार
महिन्याचा पूर्वार्ध जास्त अनुकूल आहे. आपले म्हणणे युक्तिवाद करून लोकांना पटवून देणे चांगले जमेल. याचा फायदा मार्केटिंगच्या क्षेत्रात करून घेता येईल. भागीदारीचाही एखाद दुसरा प्रस्ताव येणे शक्य आहे. शासनाकडे सादर केलेल्या निविदा संमत होतील. कार्यालयात स्त्रीपुरूषांच्या मैत्रीचा विचित्र अर्थ लावला जाईल किंवा तुमच्या कामाला उरक कमी आहे असा आरोप होईल. तरूणांना आपल्या विचारांशी मिळता जुळता, प्रगल्भ व्यक्तिमत्वाचा जोडीदार मिळेल.
अनुकूल :- ७,१७,२०,२८
प्रतिकूल :- ४,२३

घरातच रमाल
धनेश व लाभेश गुरू राशीवरच असल्याने आपल्या कुटूंबातच रमण्याची प्रवृतती वाढेल. कार्यालयात वरिष्ठांची वागणूक थोडीशी अरेरावीची वाटल्याने रजा टाकून घरी बसणे पसंत कराल. महिलांचा बराचसा वेळ सणाच्यादृष्टीने घराची सजावट करण्यात किंवा शोभेच्या वस्तू खरेदी करण्यात जाईल. तरूणांना घरातच कार्यालय थाटून काहीतरी जोडधंदा करावासा वाटेल. त्यात सौंदर्य प्रसाधने, स्त्रियांची आभूषणे यांना प्राधान्य दिल्यास फायदा होईल.
अनुकूल :- ६,११,२१,२४
प्रतिकूल :- ९,२७