सेवासुविधा मुख्यपान

 

ह्या महिन्याचे राशिभविष्य

राशीभविष्य - फेब्रुवारी २०१८

एस. जी. अकोलकर


कार्यालयात काहीतरी उल्लेखनीय करून दाखवावे अशी कितीही इच्छा असली तरी तशी संधी मिळणे कठीण आहे. उलट तुमची परिस्थिती हाताळण्याची पध्दत पुरेशी समर्थ नाही अशी टीका वरिष्ठांकडून होईल. हा कोंडमारा मुकाटपणे सोसण्याशिवाय गत्यंतर नाही. मन:शांतीसाठी जप, ध्यान यांचा आधार घ्या. महिलांनी मुलांच्या प्रकृतीकडे जातीने लक्ष द्यावे तरूणांच्या महाविद्यालयातच सूचक ओळखी होतील.

अनुकूल - ५, ११, १९, २३ प्रतिकूल - १६, २६


रवि - बुधाचे दशमातून भ्रमण व्यवसायास पोषक आहे. कार्यालयात नव्या आव्हानांना सामोरे जावे लागेल. तुमच्या टीमचे नेतृत्व तुम्ही कसे पार पाडता यावर वरिष्ठांची नजर राहील. तुम्ही ही जबाबदारी समर्थपणे पेलाल. शनी हा भाग्येश असल्याने आता नशिबावर जास्त भिस्त ठेवू नका. स्वत:च्या प्रयत्नांवरच जास्त मेहनत घ्या. बाहेरगावी केलेले दौरे फलप्रद ठरतील. महिलांनी खरेदी केलेल्या वस्तूंची बीले जपून ठेवावीत. जोडीदाराबद्दल चांगली बातमी कळेल.

अनुकूल - ५, ९, २०, २५ प्रतिकूल - ७, २६


शुक्राचे भ्रमण भाग्यस्थानातून होत आहे. नवीन गुंतवणुकीसाठी आँटोमोबाईल कंपन्या, पंचतारांकित हॉटेल्स ही क्षेत्रे निवडायला हरकत नाही. तरूणांनी सुध्दा या क्षेत्रातले प्रशिक्षण घेतले तर अगदी विदेशी, बहुराष्ट्रीय कंपन्यातसुध्दा नोकरीच्या संधी येतील. गुरू पंचमात असल्याने कार्यालयात आपल्या अनुभवीपणाचा प्रत्यय आणून द्याल. महिलांना पतिराजां बरोबर जलपर्यटनाचे योग येतील. तरूणाई शिक्षणानिमित्ताने परस्परांच्या अधिक जवळ येईल.

अनुकूल - ६, ९, २०, २४ प्रतिकूल - ७, १८


सूर्य दुसर्‍या पंधरवडयात प्रतिकूल होईल प्रत्येक काम एकटयाने, कुणाची मदत न घेता करून दाखवीन असा हट्ट धरू नका. काम लवकर होण्यासाठी, त्याची गुणवत्ता राखण्यासाठी इतरांचे सहकार्य घेण्यात कमीपणा वाटण्याचे कारण नाही कार्यालयात तर सहकार्‍यांची पदोपदी मदत लागेल. संसारातही समविचाराने घेतलेले निर्णय सर्वांना सौख्यप्रद ठरतील. तरूणांचे विवाह झटपट ठरण्याची शक्यता आहे.

अनुकूल - ६, १०,१९,२४ प्रतिकूल - १३, २२


सप्तमातले बुध - शुक्र म्हणजे सौख्याचा बहर! कोणतेही नाते फुलण्यासाठी परस्परातला संवाद खूपच आवश्यक असतो. तुमच्या वैवाहिक जोडीदाराशी असा संवाद अधिक उत्कटपणे साधू शकाल. एकमेकांच्या सहवासातल्या जुन्या क्षणांची पुन: उजळणी होईल. आपसातल्या नात्यांचे भावबंध अधिक दृढ होतील. भागीदारीच्या व्यवसायात भूमिका समजून घ्याल. तुमचा कार्यालयातल्या कामाचा ताण सहकारी कमी करतील. तरूणांना आदर्श जोडीदाराचे स्थळ येईल.

अनुकूल - ३, ७, २३, २७ प्रतिकूल - ९, १९


षष्ठातले रवि - शुक्र पैशाचा ओघ कायम ठेवणार असले तरी नातेवाईक आणि प्रवासांवर भरपूर खर्च करावा लागणार आहे. कार्यालयात तुमची कामगिरी वरिष्ठांच्या डोळयात भरू नये यासाठी हितशत्रूंच्या कारवाया चालू राहतील. विद्यार्थ्यांनी शिक्षणक्रमांना प्रवेश घेतांना अभियांत्रिकी, ऊर्जा, इंधने यांना प्राधान्य द्यावे. तेथे त्यांना शिष्यवृत्तीही मिळू शकेल महिलांनी व तरूणांनी झटपट पैसा देणार्‍या योजनात पैसे गुंतवू नयेत.

अनुकूल - ७, १२, २१, २६ प्रतिकूल - १४, २४


तुमचा स्वभाव अध्यात्म, तत्वज्ञानात रमणारा आहे. पण सध्या पंचमातून भ्रमण करणारा शुक्र मनाचा कल ऐहिक सुखोपभोगाकडे करू शकेल. काही काळ काम धाम बाजूस सारून मित्र - मंडळीच्या सहवासात आनंदाचे क्षण व्यतीत कराल. राशीस्वामी गुरूचा उदय होत असल्याने कामकाजाचा व्यासंग उपयोगी पडेल. सहकार्‍यांना मार्गदर्शनही करू शकाल. महिलांच्या भावंडांचे प्रेमविवाह जमून येतील.

अनुकूल - ४, १०, २०, २४ प्रतिकूल - १८, २६


राशीवरील मंगळ मनाचा उत्साह वाढविण्यासाठी मदत करील. सध्याच्या परिस्थितीत तर अशा उत्साहाची विशेष गरज आहे. कार्यालयात वरिष्ठ व कनिष्ठ कर्मचार्‍यांनी तुमची चांगलीच कोंडी केलेली आहे. त्याला तोंड देण्यासाठी आपली तत्वनिष्ठ भूमिका लोकांसमोर मांडण्यासाठी त्याचा उपयोग होईल. महिलांनी काटकसर हाच मंत्र जपावा. तरूणांना विरह व्यथांना सामोरे जावे लागेल.

अनुकूल - ३, ८, १२, २५ प्रतिकूल - १४, २


व्ययातला मंगळ - मन:स्थिती बिघडवील. भावनेच्या भरात कुठलेही काम हाती घेऊ नका, मागून पश्चाताप करण्याची पाळी येईल. कार्यालयात फाजील आत्मविश्वासाने नवे आव्हान स्वीकारू नका. तापटपणावर नियंत्रण न ठेवल्यास कामातही चुका होतील. खर्चाला अनेक तोंडे फुटणार आहेत म्हणून महिलांनी महागडी खरेदी टाळावी. मुलांचे शैक्षणिक प्रश्न व तरूणांचे विवाह लांबणीवर पडतील.

अनुकूल - ५, ११, १९, २३ प्रतिकूल - १६, २६


मंगळाचा मुक्काम लाभ स्थानात असल्याने शासकीय अधिकार्‍यांकडून किंवा सत्तास्थानी असलेल्या व्यक्तींकडून व्यवसाय वृध्दीसाठी आवश्यक ते सहकार्य मिळू शकेल. परवाने मिळणे, निविदा संमत होणे यांची पूर्तता लवकर होईल. कार्यालयात वेळ काढूपणा टाळा. निर्णय झटपट घेऊन मोकळे व्हा. महिलांना पतिराजांचा पूर्ण पाठिंबा मिळेल. तरूणांच्या पसंतीला घरातले होकार देतील.

अनुकूल - ६, १०, २४, २८ प्रतिकूल - ८, २५


गेल्या अडीच वर्षात कार्यालयात वा धंद्यासाठी जी कसून मेहनत केली त्याची फळे आता चाखावयास मिळतील. समाजात प्रतिष्ठा वाढेल. गुतंवणूकीतूनही भरपूर नफा कमवता येईल. जमीन, फ्लॅट्स किंवा लोखंडी वस्तूंच्या उत्पादन कंपन्यात नफा मिळू शकेल. शुक्राचे भ्रमण स्वराशीतून होत आहे. व्यक्तिमत्व आकर्षक बनेल. जीवनाचा आनंद पुरेपूर लुटण्यासाठी अनेक मित्र - मैत्रिणी भोवताली गोळा होतील. महिलांना व तरूण वर्गाला संगीत वा नाटय क्षेत्रात प्रवेश मिळेल.

अनुकूल - ५, १०, १९, २५ प्रतिकूल - ३, २२


सूर्य फक्त पंधरा दिवस अनुकूल आहे शासकीय कामांना गती द्या. अधिकार्‍यांच्या भेटीगाठी, निविदांना मंजुरी मिळविणे या कामांवर लक्ष केंद्रित करा. कार्यालयात नव्या कार्यप्रणालीचा वापर जरी आवश्यक वाटला तरी त्याबाबत सर्वांचे एकमत होणार नाही. कार्यालयात मेहनतीचे प्रमाण वाढवावे लागेल. बरीच किचकट व वेळखाऊ प्रकरणे हाताळावी लागतील. जास्त वयाच्या सहकार्‍यांना सांभाळून घ्या. महिलांनी पाठदुखीपासून जपावे. तरूणाच्या निवडीसाठी वडीलधारी माणसे होकार देतील.

अनुकूल - ७, १२, २१, २६ प्रतिकूल - १४, २४

 

व्यक्तिगत सल्ल्यासाठी संपर्काचा नवीन पत्ता -

श्री. एस जी अकोलकर
बिल्डिंग नं. ७ - अ फ्लॅट नं. ४९९ (२रा मजला),
जुनी एमएचबी कॉलनी,
एल.टी. रोड समोर
बोरिवली पश्चिम,
मुंबई-४०००९१

संपर्क - ९८६९२२९८४४

ई-मेल - हा ई-मेल स्पँमबॉट्स पासुन् सुरक्षित आहे. हा बघण्यासाठि जावास्क्रिप्ट सक्रिय करा.

डॊन वास्को- सिग्नल नंतर होटेल विविध पाशी उजव्या हाताला वळा. सरळ पुढे या. उजव्या बाजूला - (सलोनी ब्यूटी पार्लर तळमजला)

 

उत्तर प्रदेशाचे राज्यपाल मा.राम नाईक यांचे हस्ते Marathiworld.com चे ज्योतिषी एस.जी.अकोलकर यांचा सत्कार शिवजयंतीस करण्यात आला. त्यांच्या ३५ वर्षाच्या ज्योतिषसेवेचे महत्त्व जाणून  मुंबईतील जोगेश्वरी युवा प्रतिष्ठानने त्यात पुढाकार घेतला. श्री अकोलकर याचे योगदान असे :
 
मराठी  चित्रपट :
१) कलावंत विकणे आहे 
२) आपली माणसे 
३) श्रद्धा
 
टी.व्ही. मालिका :
१) बंदिनी(अधिकारी ब्रदर्स)
२) हाथकडी (मुंबई दूरदर्शन)
 
नाटक : 
१) चालविशी हाती 
२) तीन लाखावी गोष्ट (नाट्यसपंदा)
३) धुके न्हाऊन गेले  (महाराष्ट्र शासन पुरस्कार)
 
पटकथा : कुटुंब नियोजन (राष्ट्रीय पुरस्कार.)
टेलिफिल्म : तीस लाखांची गोष्ट. (E TV.)
YouTube : धन धना धन (पूर्ण नाटक)
 
दैनिक व मासिक : 
१) मुंबई सकाळ. (१२ वर्षे)
२) महाराष्ट्र टाईम्स
३) कृषीवल (कोकण)
४) बहुश्रुत
 
वार्षिक : 
१) महाराष्ट्र टाईम्स
२) गांवकरी ( नासिक)
३) रसरंग
 
इंटरनेट : www.marathiworld.com
 

 

श्री. एस. जी. अकोलकर, प्रसिध्द ज्योतिषी व चित्रपट कथा लेखक. हे ह्या क्षेत्रातील जवळपास ३० वर्षांहून अधिक अनुभवी आहेत. १२ वर्षे ते मुंबई सकाळ ह्या महाराष्ट्रातील अग्रमानांकित वृत्तपत्रात स्तंभलेखन करीत होते. महाराष्ट्राचे मुख्यमंत्री, शिवसेनाप्रमुख इ. च्या बाबतीत त्यांनी वर्तवलेली अनेक राजकीय भाकिते यशस्वी झाली आहेत. श्री. अकोलकर यांचा कृष्णमूर्ती पध्दतीचा (नक्षत्रांच्या गणितीवरून मांडलेले आडाखे/सिध्दांत) गाढा अभ्यास आहे.

 

Share
 
Joomla SEO powered by JoomSEF

 
सेवासुविधा